चेटीचंड महोत्सव ; साकोली शहरात शोभायात्रेत देव श्री झुलेलाल जल्लोष
साकोली / महाराष्ट्र
दि. 24.03.2023
रिपोर्ट : आशिष चेडगे संवाददाता ग्लोबल महाराष्ट्र न्यूज
सविस्तर बातमी • साकोली : सिंधी समाजाचे इष्ट दैवत संत श्री झुलेलाल जयंती निमित्त साकोली शहरातील सिंधू भवन येथे समाजबांधवांनी विधीवत पूजा अर्चना केली. भव्य मोटारसायकल रॅली शहरात विशेष आकर्षण ठरली. येथे विविध कार्यक्रम संपन्न झाले असून सर्व आयोजन पुज्य सिंधी पंचायत मंडळ व नवयुवक सिंधी सेवा समाज मंडळांनी केले होते.
साकोलीत दागिने पॉलिश करण्याच्या बहाण्याने महिलेची फसवणूक
साकोलीत मोटरसायकल रॅली ही लाखांदूर रोड सिंधू भवन येथून पोलीस ठाणे मार्ग – तुमसर – एकोडी रोड चौक – नगरपरिषद चौक – नागझिरा चौक – बसस्थानक चौक – प्रगती कॉलनी चौक – सेंदूरवाफा साई राईसमिल चौक – पॉलिटेक्निक कॉलेज चौक – एसबीआय चौक – जूने पंचायत समिती – न्यायालय मार्ग परत सिंधू भवन येथे समापन करण्यात आली. महामार्गावरील संपूर्ण वाहतूक व्यवस्था साकोली वाहतूक पोलीस हवालदार अश्विन भोयर व त्यांच्या होमगार्ड टिमने सुव्यवस्थेत सांभाळली. सिंधू भवन येथे भव्य महाप्रसादाचे आयोजन, बस स्थानक, एकोडी रोड चौक व लाखांदूर रोड चौक येथे शरबत वितरण आयोजन, पूजा अर्चना पल्लव आरती संपन्न झाली. सायं ७ ला निघालेल्या भव्य शोभायात्रेत रथावर स्वार देव श्री झुलेलाल वेषभूषेत सजावटीचे विशेष आकर्षण ठरले. शोभायात्रा श्री राम मंदिर तलाव वार्ड येथे समापन होत महाआरती व ज्योती विसर्जन करण्यात आले. २३ मार्च संत श्री झुलेलाल जयंतीनिमित्त सर्व आयोजन पुज्य सिंधी पंचायत, सिंधी नवयुवक सेवा मंडळ व सिंधी समाजातील पुरुष महिला पदाधिकारी व सदस्यांनी अथक परिश्रम घेतले. आहेत. संपूर्ण कार्यक्रमात छायाचित्रण प्रसारण सेवा साकोली मिडीया नेटवर्क यांनी केले तर साकोली पोलीस ठाणे निरीक्षक राजेश थोरात यांच्या मार्गदर्शनात वाहतूक पोलीस अश्विन भोयर, होमगार्ड पथकांनी शांतता आणि सुव्यवस्था राखण्यासाठी कर्तव्यदक्ष हजर होते.
